من تجارب الشيخ الدكتور الصريدي

من تجارب الشيخ الدكتور الصريدي

يسال مطلقة بعد الطلاق :
إيه الدروس الي أتعلمتيها من التجربة ؟ قالت :
*عدم التهور و أسمع أكتر ما أتكلم …
*أسيب ديماً الباب موارب يمكن يكون في فرصة تانية …
أواجه مشاكلي بنفسي و مسمحش لحد التدخل فيها …

ويسال الدكتور الصريدي :
و مين شجعك من أهلك علي طلاقك ؟
وتجيب كلهم تقريبا ؛؛ مفيش حد فيهم حاول مره واحده يقولي حافظي علي بيتك ….
*مفيش حد فهمني إني بخرب بيتي و بضيع مستقبلي و مستقبل أولادنا …

👈 ويسال الدكتور الصريدي :
و أهلك واقفين جمبك دلوقتي زي ما كانوا واقفين معاكي و بيشجعوكي علي الطلاق ؟

وتجيب مفيش حد فاضيلي و لا فاضي لأولادي
*أخويا إللي ياما شتم و سب طليقي أتجوز وعايش مع مراتة وخلف ؛ لو يوم غضبت يعيط زي العيال علشان ترجعله …
*اختي بعد ما أنا اتطلقت ؛ اتعلمت من تجربتي لو حصل خلاف بينها و بين جوزها تحله في بيتها ….

👈 ويسال الدكتور الصريدي :
عملتي إيه بفلوس الطلاق والقايمة ؟
وتجيب كل إلي أحتاج حاجه من أخواتي و أهلي خدوها وباقي القايمة مرميه في مخزن تحت البيت
👈 ويسال الدكتور الصريدي : لو طليقك عايز يرجعك لعصمته ممكن ترجعى
وتجيب انا أتمنى ارجع لكن هو مش ممكن يفكر يرجعنى بعد ما أهناه و لف ودار على محاكم الأسرة و بيلعن اليوم اللى اتجوزنى فيه

👈 الخلاصة ينصح الدكتور الصريدي
*أنتي كنتي مجرد حقل تجارب ؛
*وليمة كلهم كلوا منها و شبعوا و بطونهم اتنفخت بس انتي هتعيشي وتموتي من الجوع
جوع المشاعر …
جوع الأسرة والبيت المستقر
*قدرك أنك تشوفي غيرك مبسوط و مرتاح وأنتي بتتحسري علي حياتك إلي ضيعتيها بإيدك وبأرادتك

💪 الكل بيقولها اتطلقي..
وابتدي من جديد..
والحياة فاتحالك دراعتها.

😞مين قال إن الطلاق حاجة سهلة و بسيطة ومحببة كده؟
مين أصلًا يجروء يدي واحدة نصيحة يقولها اتطلقي؟
😠مين يقدر يشيل وزر قرار انفصال اتنين كانوا سكن لبعض.

*اللهم احفظ بيوت المسلمين من كل سوء

وسوم:

نبذة عن الكاتب

This user is created while installing demo content. You should delete or modify this user’s information now.