إنقذو الكبد – تحذير الدكتور الصريدي

إنقذو الكبد – تحذير الدكتور الصريدي

إنقذو الكبد ١:
يمكن أنت متعرفش ان للكبد ٥٠٠ وظيفة مكتشفة علميا حتى اللحظة . متعرفش ان جزء كبير من مشاكلك الجسدية بيكون ضعف الكبد جزء أصيل منها .
الكبد لو قصر فى وظيفة واحدة من ال ٥٠٠ بيظهر مرض قصادها على طول .
السكر والضغط والصفائح الدموية و الإخراج والمعدة و الجوع والعطش الإضطربات الهرمونية و العصبية إلى اخره كل دى مشاكل مرتبطة بالكبد .
الكبد بيظهر الامراض علي جسمك طبقا لمكان الاصابه بتاعه
الدكتور الصريدي
طبقا لأنطونى وليام مش أنا فى كتابه الأعلى مبيعا فى أمريكا إنقذو الكبد قسم الكبد لخمس مناطق طبقا لإصابته فمثلا لو حصلت إصابه منتصف الكبد هيظهر عليكى اعراض الهبات الحراريه والتعرق الليلي وماقبل السكر وكمان ورم رجليك وانتفاخها دا غير التغيير الغريب في درجات الحراره شويه رافعه وشويه نازله والكسل الرهيب والسمنه الرهيبه وعدم التركيز وكمان السواد حول العين دا غير الارهاق الاحساس بالوحده والاكتئاب والتوتر والعطش الشديد ضعف الدوره الدمويه الطرفيه .
اما لو اصيب اسفل الكبد هيظهر عليك أعراض القلق الليلي بجانب الامساك وبتحس ان جلدك رقيق .
اما لو اصيب أعلى الكبد دا بيكون مصاحب ليه ضعف الهضم وارتجاع المرئ والانتفاخ بتحس بخنقه في البطن وآلم في الكتف وتقرحات الفم واللسان
أما لو أصيب الجزء الشمال من الكبد الذى يطلق عليه الفص الشمال بتحس باعراض ضعف الرجل الشمال والذراع الشمال والميل للقئ وفقدان الاحساس بالجوع وتقلب المزاج وبتكون حساس زياده عن اللزوم وآلم الظهر .
أما لو آصيبت المنطقه اليمنى من الكبدالذي يطلق عليه الفص الايمن فالاعراض اللي هتظهر عليك ضعف الاظافر وتقصفها بجانب ضعف بسيط بالجانب الايمن من الجسم وحدوث الشد العضلي والتقلص بعضلات الرجل اليمنى .
الحقيقه أعداء الكبد كتير وايضا اصدقاء الكبد كتير
اعدائه على سبيل المثال الفيروسات زى فيروس سي وبي وأيه والابيشاتين بار فيرس والسيتومجالو فيروس والدهون الغير صحيه ذي الدهون المحوله وشرب العصاير الصناعية عمال على بطال عشان الفركتوز المصنع اللى فيها و السكريات و السكر الأبيض بفترا وبعض الأدوية زى أدوية الروماتويد و الرانتدين الجميل اللى هوه فوار الرانى الأعلى مبيعا بمصر دا غير الهرمونات زى الكورتيزول و أقراص منع الحمل بدون إشراف طبى.
أما أصدقائه فأقرب صديق ليه هوه فيتامين هاء حقيقة منشور عنه دراسات كتير عن فاعليته فى تقوية الكبد وعلاج دهونه يليه نبات جميل خالص إسمه شوك الجمل بيطلع منه مجموعة من المواد الفعالة إسمها سيلمارين تجاريا إسمه ليجالون بتاع شركة مداوس و طبعا الكركمين وزيت الزيتون والليمون وخل التفاح .
الكبد بيحب الخضروات المرة زى الحميض والسبانخ و السريس أو الشيكوريا و الهندباء .
متخسرش الكبد ابدا فهو المصنع بتاع جسمك لبروتنياتك وهرموناتك دا غير انه بيعمل إعادة تدوير للمواد المهمة بجسمك زى مابيعمل مع الكولسترول و مش بس مصنع دا كمان مخزن للطاقة و الفيتامينات والمعادن و المصرف بتاعك اللى بيخلصك من السموم دا غير انه جزء أصيل من جهاز المناعة .
شير لغيرك وعاوزينك تشرب ليمون خلاط كل يوم من غير سكر والمحافطة على خل التفاح والذهاب فورا لطبيب الكبد إن إكتشفت أى أصابة ليك بأى مرض بالكبد .الكبد لايقل أهمية عن أسنانك .

admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *