مشكله تؤرق مرضى السكر وهى التهابات الاعصاب

مشكله تؤرق مرضى السكر وهى التهابات الاعصاب

مع بدايه فصل الشتاء☔☔🌦 و انخفاض درجات الحراره بتزداد مشكله تؤرق مرضى السكر وهى التهابات الاعصاب الطرفيه..مشكله كلنا سمعناها باكثر من طريقه من المرضى
👈عندى الام يا دكتور فى رجلى ، رجلى كأن فيها كهربا، حاسس بدبابيس وتنميل فى اطراف قدمى، رجلى بتنشر على بالليل ،رجلى كأن ماشى فيها نمل، الشبشب بيقع من رجلى، #وأسوأهم رجلى اتعورت يا دكتور او لاقيت قرحه فى صابع رجلى بتنزل دم من غير ماخد بالى
اوصاف مختلفه لنفس العرض …وهو التهاب الاعصاب الطرفيه نتيجه عدم انتظام نسبه السكر فى الدم
✍بدايه:
احساس الالم ده نعمه من النعم اللى تخلى المريض يحافظ ويهتم👍 لانه فى حالات متأخره المريض بيفقد الاحساس ده وبيؤدى لمشاكل اكبر ذى قدم سكرى ومضاعفاته والاسوأ البتر …
طيب احمى نفسى ازاى🤔🤔 !!؟
١- لازم تظبط سكرك ويكون منتظم
٢-لازم نظام غذائى معتدل 🍏🍖🍨
٣-لازم المواظبه على اخذ الفيتامينات بانتظام وبالاخص فيتامين ب سواء اقراص💊 يوميا او حقن💉 ع الاقل كل أسبوع لانها تحمى الاعصاب من الالتهاب والتلف
٤-علاج دوائى تحت متابعه طبيبك من مسكنات الاعصاب💊 وليس المسكنات العاديه
٥ – تعلم كيفيه حمايه القدمين بنفسك ..وده موضوعنا اللى جاى ان شاء الله 🙏🙏
💯

admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *