بيت الداء .. المعدة


بيت الداء .. المعدة .. كلنا دايماً عندنا مشكلة في معدتنا ومش عارفين دة وجع بسبب إيه ولا راجع لأيه وبناخد مسكنات وخلاص ..
لو الوجع أتكرر لازم تفهم مشكلتك فين .. قولون ؟ جرثومة معدة ؟ قرحة معدة ؟ ألتهاب معدة ؟ ميكروب حلزوني ؟ ..
أعرف المرض ماتعالجش العرض ..

هقولك شوية حاجات تعملها وتمشي عليها جنب علاجك لو محدد مرضك هتفيدك جداً وتشجعك تكمل كل ما تحس بتحسن ملحوظ ..
سمعت جُملة “تفاحة في اليوم تبعد عنك الطبيب” ؟ .. التفاح مهم أوي للصحة والمعدة بوجه أخص ..
الزعتر (فينيك المعدة) اللي بيطهر وبيعقم الديدان والجراثيم والفطريات ..
المستكة والزبادي مع بعض ،، الزبادي بيغذي البكتيريا النافعة اللي محتاجها جسمنا على فكرة مش المفروض نتخلص منها ، والمستكة معاه بتداوي ألتهاب المعدة ولو فيها تقرح هتفيدها جدددداً ..
الريحان بيهدي التوتر العصبي اللي بيأذي المعدة ويعملها تقرح ..
القرنفل ضد وجود الميكروب الحلزوني جوا المعدة ..
العرقسوس ومادة الصابونين اللي بتمنع ألتصاق الميكروب الحلزوني بجدار المعدة ..
الكرنب !!! أيوة الكرنب بس مش المحشي اللي بناكل منه حلة كاملة دة لا ، عصير الكرنب مع الجزر للمعدة إعادة بناء للجدار بالكامل ..

شايف أنا قولت كام حاجة ليها علاقة بكام مرض جوا المعدة .. مابقولش المعدة بس .. عشان كدة لازم تهتم تعرف إيه اللي عندك .. وتبطل تاخد في مسكنات تهلك جدار معدتك على الفاضي عشان تريح رآسك وماتروحش لدكاترة .. أنا دكتور وبقولك بكرا الألم هيبقى لا يُحتمل ومع الإهمال هتتحرم من أكل كتير أوي .. صحتك أهم ..

نبذة عن الكاتب

نبذة قصيرة عن الشيخ الدكتور
بروفيسور محمد الصريدي
هو حاصل على عدة ألقاب وشهادات, منها دكتوراه ثانية في الاعشاب (Naturopathy Science). ومنذ اكثر من 18سنوات يختص بروفيسور الدكتور محمد الصريدي بدراسة الاعشاب الطبية واهميتها وفقاً لآخر الابحاث العلمية المعتمدة حول العالم.